Beth yw Cynrychiolydd Rheol 1.2?

Mae Cynrychiolydd Rheol 1.2 yn siarad ar ran person sydd heb allu i gydsynio i gyfyngiadau ar ei ryddid, pan fydd yn cael ei amddifadu o'i ryddid neu pan allai gael ei amddifadu o'i ryddid mewn lleoliad cymunedol neu ddomestig.

Os bydd y Llys Gwarchod yn awdurdodi colli rhyddid, bydd y Cynrychiolydd Rheol 1.2:

• Ymweld â'r person yn rheolaidd i ofyn eu barn a'u dymuniadau a gweld eu bod yn derbyn gofal da
• Gwirio mai'r driniaeth a'r gofal a ddarperir yw'r rhai sy'n cyfyngu leiaf ar eu hawliau a'u rhyddid sylfaenol
• Cyn belled ag y bo modd, helpu'r person i ddeall eu hawdurdodiad a sut mae'n effeithio arnynt, a'u cefnogi i arfer ey hawliau os ydynt am wneud hynny

Os bydd angen, gall Cynrychiolydd Rheol 1.2 ofyn am adolygiad o'r awdurdodiad neu wneud cais i'r Llys Gwarchod i newid neu derfynu'r awdurdodiad. Er enghraifft, gall hyn fod yn angenrheidiol os bydd anghenion y person yn newid, neu os nad yw’r awdurdodiad yn cael ei ddilyn yn iawn. Hyd yn oed pan na all rhywun ddweud wrth Gynrychiolydd Rheol 1.2 yr hyn y mae ei eisiau, bydd y Cynrychiolydd Rheol 1.2 yn defnyddio amrywiaeth o ddulliau i sefydlu eu barn a’u dymuniadau cyn belled ag y bo modd ac i sicrhau eu hawliau.