Cynrychiolydd Person Perthnasol

Penodir Cynrychiolydd Person Perthnasol (RPR) i gefnogi a chynrychioli unigolyn (y person perthnasol) sy’n destun awdurdodiad Trefniadau Diogelu rhag Colli Rhyddid (DoLS).

Mae'r rôl hon yn hanfodol i sicrhau bod hawliau a lles y person o dan y Trefniadau Diogelu rhag Colli Rhyddid yn cael eu hamddiffyn.

Cyfrifoldebau allweddol

• Cynrychiolaeth ac Eiriolaeth: Gweithredu ar ran y person perthnasol i sicrhau bod eu barn, eu dymuniadau a’u dewisiadau yn cael eu clywed ac yn cael eu hystyried.
• Monitro'r Awdurdodiad DoLS: Adolygu amodau a hyd yr awdurdodiad o dan y Trefniadau Diogelu rhag Colli Rhyddid yn rheolaidd er mwyn sicrhau ei fod yn parhau er lles gorau'r person perthnasol.
• Herio’r Awdurdodiad: Os yw’n briodol, herio’r awdurdodiad DoLS drwy brosesau ffurfiol, gan gynnwys gwneud cais i’r Llys Gwarchod os credir nad oes cyfiawnhad dros golli rhyddid.
• Darparu Cefnogaeth: Cynnig cymorth ymarferol i'r person perthnasol, gan eu helpu i ddeall eu hawliau a goblygiadau'r awdurdodiad DoLS.
• Cydgysylltu â Gweithwyr Proffesiynol: Gweithio gyda darparwyr gofal, gweithwyr cymdeithasol, a chynrychiolwyr cyfreithiol i sicrhau bod hawliau'r person perthnasol yn cael eu cynnal, a bod eu hanghenion gofal yn cael eu diwallu'n briodol.

Mae rôl Cynrychiolydd Person Perthnasol yn hanfodol i ddiogelu unigolion sy’n cael eu hamddifadu o’u rhyddid, sicrhau bod eu hawliau’n cael eu hamddiffyn a’u bod yn derbyn gofal a thriniaeth briodol.